悟樂の空間

1007_有家歸不得

悟樂 — 2009-07-10 23:59

話說今日成日都o係度諗... 買唔買 iphone 好呢???

但好似好貴咁wu~~~

當然今日最後係冇買到啦~~~

如果唔係個 topic 一定唔係咁.

依個星期o係公司主力都係做 bug-finder,

都唔明點解我o野要軟件公司幫手(比錢)更改模組,

但設計完o左之後要我去搵尐蟲出來的.

你話你做好... check 好曬... 依家叫我做 testing 的...

我覺得冇問題~ 不過... 成個星期就係成日比我叫到一堆加錯數...

唔應該咁設計等等的問題...

今日重衰尐... 唔知做錯乜...

更新o左自己電腦個系統之後就死系統...

就算重新安裝個系統... 做windows 還原... 都係唔得.

完全唔知想點...

今日放工已經又熱又累,

返到屋企門口才發現鎖匙因放工執o野時比人攪一攪-漏低o左...

屋企人重係有排都未返....

結果一個人好似呀伯咁o係商場遊蕩...

好在 PPC 和 NC10 夠電...

如果唔係都幾難過....

不過就係因為咁... 追o左好幾篇舊 blog.

唉~~~~~

10072009 是日晚餐

悟樂 — 2009-07-10 20:32

因為遺漏鎖匙於公司內,

所以無家可歸, 於美心吃了個 HK$42 的鐵板餐,

感覺好貴, 重點是 HK$ 1 的豆腐布甸一點也不好吃!!!

人與水蛇

悟樂 — 2009-07-10 17:43

早前看到一篇新聞, 內容如下:

深水灣現水蛇嚇煞泳客

深水灣泳灘發現水蛇，嚇煞泳客。昨午一時許，市民分別在泳灘日光浴和暢泳，有女泳客突然發現一條約兩公尺長的水蛇，從水中游上沙灘，大驚失色，奔往通知當值救生員。救生員聞訊趕抵，手執木棍及石頭將水蛇打死，隨即放入垃圾袋棄掉，避免引起泳客驚慌。有救生員表示，該泳灘是首次發現水蛇，疑因近日連場暴雨，令原本棲身山上的水蛇，沿溪澗沖落沙灘。泳客對事件俱感驚訝。

故事其實就係咁多...

但我睇完之後就勁唔開心.

我完全唔明(可能我是不在現場)點解當日救手員為何會有如此舉動,

在兒時開始其實一直也有於香港不同的地方發現蛇的蹤跡,

一般大家發現的時候都會報警處理,

警察到場就是先叫途人離開,

再叫漁農處, 漁農處就會叫俗稱"蛇王"的人來捉蛇,

捉完一般都是另找地方放生處理的.

這才是一般正常及應該的做法.

但今次於上文看到,

深水灣泳灘出現一條水蛇,

有泳客看到,

由於牠身長2米, 比較大條,

泳客覺得受驚,

救生員得知後就馬上到場,

馬上用木棍及石頭將水蛇打死.

及後放入垃圾袋棄掉.

以下是我的句子重組:

深水灣泳灘出現一條四處覓食/或作迷路的水蛇,

由於牠身長2米, 比較大條,

有泳客看到後覺得受驚及覺得自己的生命受到威脅.

救生員得知後就馬上到場,

覺得由於事態嚴重及覺得會令泳客及現場人士的生命做成危險,

於危急的情況下沒有時間通知警察, 或待"蛇王"處理,

必須馬上用木棍及石頭將水蛇打死.

是後為免引起其他泳客驚慌,

就草草把蛇放入垃圾袋棄掉.

這說是我看到的東西,

人和蛇由聖經創世紀年代開始已經是水火不容的.

但於現今的社會上... 人和動物是否就為自己內心的不安, 受威脅就要大開殺界呢?

還是人類已經進化到...

認為海灘是人類獨有的個人財產,

現有一條2米長的水蛇非法進入私人範圍,

故馬上進行"誤入者, 殺無赦"???

我想大家都應該好好想一想...

到底我們現在身處的"領域"到底是否由人類完全擁有.

相關連結

http://www.plurk.com/p/17awpi

10072009 是日午餐

悟樂 — 2009-07-10 13:10

令人失望的 iphone 3GS 價錢

悟樂 — 2009-07-09 23:59

說話今早有同事報比我聽佢o地個部門的 fax 機壞o左,

咁就馬上打o左個電話去叫師傅來維修.

下午去到四點師傅上來攪o左一輪,

話整返好... 好啦~~~ 簽名... 走人...

點知佢走o左唔夠一個鐘... 又死過...

問題係同一個 Error Code SC546.

又要打多次電話... 攪到要明天先再安排到人來...

老爺機就係老爺機...

中間重要比人係咁追我師傅幾時來... 點解又壞的問題...

想點呢??? 問下我就會答到的~?? 咁我轉得行啦~~~

放工之後就去o左天水圍陪女朋友睇醫生,

之後就落o左元朗食o野~~~ 好飽~~~!!!

另今日 three.com.hk 和 apple store 都分別發佈o左 iphone 3GS 的價錢.

真係... 好唔開心law~~~

相關連結

http://www.plurk.com/p/186ep1

http://www.plurk.com/p/17zmg9

09072009 是日午餐

悟樂 — 2009-07-09 13:08

當練 EQ

悟樂 — 2009-07-08 23:40

話說早兩個星期一連發生o左幾件事,

唔知關唔關事(我覺得關啦)

之後就有個大粒的開始成日煩住曬~~~

又唔係乜的... 係得閒人o地講講下就插一兩句的,

講尐又似係事實, 但又冇乜建設的東東.

好煩~~~ 明顯已經不會再費周章去理會.

就當睇下我 EQ 有幾高.

今日放工之後就同細妹出o左旺角,

今次係陪佢睇電話...

結果係電話睇完, 佢都係決定唔到買邊部.

依家尐機... 唔係好廢就係好貴.

都唔知點攪.

P.S. 今日 Happy 個 plurk 榮升到 Karma 100 分,

恭喜曬!!!!!!!!

另現暫定下星期五會去佢屋企倒亂.

期待!!!

08072009 是日晚餐

悟樂 — 2009-07-08 19:05

唔知乜汁三文魚意粉, 好食~~~!!!

08072009 是日午餐

悟樂 — 2009-07-08 13:19

0707_雙7日

悟樂 — 2009-07-07 23:59

咪話唔關事,

有時尐o野用得耐,

佢要死起上來的時候,

佢會連同尐舊老友夾麻一齊.

公司近月攪緊裝修改位,

好多東西都會又拆又起...

令到多o左好多其他雜雜碎的東西要做.

今早返工行到門口的時候發現門口一地都是水.

起初以為是冷氣師傅改冷氣機位置或喉位時留下的.

但不久發現天花板是乾的,

找找看的時候發現原來是水喉日久生锈漏水...

又要找人維修.

於維修前的這段時間...

停水... 唉~~~

好多時我每日收工前都會坐一坐,

諗一諗我o個日做過尐乜...

不過依個習慣o係搬o左位過來之後要唔要考慮取消呢?

我好似... 已經唔知自己當天做過尐乜了...

今日睇到一尐不同的新聞.

現先連結, 有機會再講.

深水灣現水蛇嚇煞泳客 - 太陽報

蘋果日報 - 20090707 - 吉野家三職工涉店內淫辱案開審　女事主供稱首被告強姦　次被告摸胸

有關提及冷氣機滴水的法例

悟樂 — 2009-07-07 16:45

剛找到有用的資料, 記低先!!!

From http://www.legislation.gov.hk/blis_ind.nsf/6033a8cc1f220686482564840019d2f2/8f7724b6e23a8599482565720014b62c?OpenDocument

章：

132

標題：

公眾衞生及市政條例

憲報編號：

第III部

一般衞生及清潔

一般規定

(1) 除下文另有規定外，下列事項屬可根據第127條循簡易程序處理的妨擾─

(a) 任何處所(包括墳場)或船隻，其狀況足以構成妨擾，或足以損害或危害健康；

(b) 任何水池、水井、溝渠、雨水渠、水道、排水渠、下水道、水箱或貯水器、污水池、池塘、地坑、衞生設施、糞渠、廢水管或雨水管、垃圾桶或垃圾箱，或其他同類的地方或東西，其污穢程度或其狀況足以構成妨擾，或足以損害或危害健康；

(d) 任何動物或禽鳥，其飼養的地方或方式足以構成妨擾，或足以損害或危害健康；

(e) 從任何處所發出塵埃、煙霧或臭氣，其方式足以構成妨擾；

(f) 從任何建造中或拆卸中的建築物發出塵埃，其方式足以構成妨擾；

(g) 從任何處所內的通風系統發出高於或低於室外氣溫的空氣，或排放廢水或其他類別的水，其方式足以構成妨擾。 (由

1974

年第

號第

條增補)

(h) (由

1988

年第

號第

條廢除)

(2) 如為有效進行任何業務或製造而需有任何積聚物或棄置物，而法庭信納該等積聚物或棄置物的存放時間並無超逾該業務或製造所需，並信納已採取最佳可行方法以防止公眾衞生因此而受損，則第(1)(c)款的條文並不會令任何人就該等積聚物或棄置物而受懲罰。
(3) 第(1)款的條文，不得視為或解釋為對《工廠及工業經營條例》(第59章)或《空氣污染管制條例》(第311章)的條文有所規限。 (由1983年第17號第50條修訂)

另 http://www.info.gov.hk/isd/tvapi/aircond/chinese/textc.htm

冷氣機滴水滋擾他人

冷氣機應該要定期檢查，看看有否滴水滋擾他人。

如果你居住的大廈發現有冷氣機滴水滋擾，可向大廈管理處、大廈業主立案法團或互助委員會尋求協助，找出滴水的來源，並要求有關業主改善，亦可致電食物環境衛生署投訴。

法例規定，任由冷氣機滴水滋擾他人乃屬違法，一經定罪，最高罰款為一萬元，另加每日罰款二百元。

查詢電話: 2868 0000

食物環境衛生署

07072009 是日午餐

悟樂 — 2009-07-07 13:12

天氣熱... 特意落公司下面買可樂...

點知就連可樂都冇曬... 得返 coke light...

好過冇la~~~~

0607_拆膠紙

悟樂 — 2009-07-06 23:59

今早返工... 竟然冇遲到.

係咪因為上兩個月太過份..

今日發傻好返一次呢???

公司的o野就日日都做唔完.

一時就要攪下尐同事有意無意攪出來的東東,

又要玩o個個本身問題多多的系統,

o係一堆蟲入面整理一尐明顯唔正常的蟲出來...

點解唔係試好曬冇問題先比我試的呢???

我包唔包做 Bug-finder 的先???

放工之後就直接返屋企,

真係要多尐休息了.

09年.. 今年想點呢???

悟樂 — 2009-07-05 23:59

以下係非正式統計...

唔知有冇人覺得... 定係我今年心情有問題...

今年 09 由一月到依家... 七月頭...

星期一至五係可以好好天... 成日重要出好勁的太陽... 曬到死~~~

但差不多到星期六日就會陰天... 衰尐重會落雨...

依期重要大雨... 倒水咁... 想點呢~~~???

今日落大雨... 真係邊度都唔駛去.

又唔係冇o野做的...

去o左女朋友屋企... 陪佢打 PS2...

真係... 悶到傻o左~~~???!!!??? 佢竟然話打 PS2!!!???!!!

重要係打高達... 真係... 好似咁耐都冇聽過.

夜晚, 佢就話想去食o野,

比佢話事去o左間路邊的小菜館.

(註: 平時都係佢話事的, 不過平日會有比意見, 是次唔比)

兩個人叫o左一個海鮮冬瓜湯飯,

不到五分鐘就到.

我真的看到她只是吃了一口就變了嘴,

前後吃了不到十口就停手.

原因是... 那個所謂的海鮮冬瓜湯飯...

沒有海鮮已是正常,

今天全天下大雨... 加上環境問題,

食物上有一鼓下雨天才有的怪味,

湯水鹹過鹽水... 不用說消暑, 飲了不中暑才怪!

結果? 佢返O左屋企食杯麵補數~~~

o個間o野... 下次經過要記返個名先得!

識得變型的飛機

悟樂 — 2009-07-05 12:24

好似好好玩咁~~~!

0407_是日三記

悟樂 — 2009-07-04 23:59

今早返工...

睇到糧單...

前個月遲到的係51分鐘,

上個月就遲到 54分鐘... 重多O左...

結果緊係比人扣錢啦~~~ 扣O左三十幾蚊...

其實... 扣來做乜的呢???

放工之後就去o左找女朋友.

晚上就和 Jorliman 一共三個人去o左睇冰河世紀3 的 3D 版.

睇完覺得... 好好睇~~~

中間差不多沒有什麼停的地方.

全場都好好笑~~~

要翻睇都有得諗~~~!!!

晚上回家的時候訓到唔識落車...

去到總站先知... 氣死我!!!

KFC... 賣雞變雞肋....

悟樂 — 2009-07-04 16:00

話說昨晚去到天澤商場吃了一餐很差的 KFC 晚餐...

原因如下:

1. 又唔係平... (M 記依家加 $1 有新地食)

2. 又唔好食. (尐雞... 係冇味的... 飯係硬的!!!)

3. 環境唔好. (地方乾淨是很基本的吧, 不用我多說)

4. 服務員態度差. (我說想要兩件雞都要雞上脾, 得到的回答是: 冇嫁, 最多要一隻, 一係就唔好叫啦~)

如果唔係我肚餓到就來胃痛我真係會反轉妳間鋪!!!

5. 冇留心聽我講. (明明就是要可樂走冰, 結果是 3/4 杯冰, 想點???)

6. 食唔飽... 食完之後我竟然重好肚餓... 明明錢就用o左 $28.3... 但明顯唔係一個晚餐的份量 (O個兩件雞每件重細過個飯)

一句... 唔係黑心... 但 KFC 再停留在這個水平...

相信會和哈迪哥哥的下場一樣...

作為一間快餐店, 給人的感覺和服務是十分重要的.

另外就是食物的穩定,

這一部份不由得我說 M 記真的做得不錯.

差的就是薯條的份量會被人偷工減料, 另外就是有時會食到不好吃的薯條.

但不會食到一個過鹹的魚柳包, 或一個沒有味說的麥樂雞.

但在 KFC 我就試了不少次了... 有次鹹到我食不了...

分別在那裡呢??? 管理!!!

管理十分重要... 但 KFC 就是令人覺得這一部份完全欠缺.

可以在我坐在 KFC 內的半個小時,

看不到一個服務員會到我對面的檯子收拾上一位顧客的垃圾.

對!!! 半小時!!! 30分鐘!!! 不是親眼看到是不會相信的.

希望有關店經理或有關人仕好好想一想需否好好管理一下下層員工的工作...

不然, 我只好再多一點光顧 M 記吧~~~!!!

每個都是營業員

悟樂 — 2009-07-04 08:41

每個人的性格和強項不同,

有的是說話和表達能力強.

有的是想象和創造能力高.

還有的是其他各不同的地方各有優勢,

當然有人未必可於短促的一生內發掘和發揮.

但那是另一個話題.

於現今的社會有很多很多的職業,

每一項職業也有相對的專業,

比對昔日的古人來說,

相信會目瞪口呆.

就以營業員來做例子,

於不同公司會有不用的營業員,

有推廣貨品的營業員, 有推銷服務的營業員,

有的是介紹保險的從業員(於近十年有一個更專業的名稱-理財計劃師)

但於我的理解營業員的定義來說, 工作的內容大致沒有太大分別, 下文再述)

當然的還有於街上看到有人, 就會覺得那些人需要買樓的地產從業員(經紀),

(經紀有沒有一個更專業的名稱, 見識不多... 還請指教)

還有的是以直銷層壓式的營業員,

不過那行的入行門檻低, 所以要入場不難, 基本上有點兒錢就可以,

但要求高, 風險高, 需要的運氣及彩數更高.

正所謂"可引兵車行".

沒有大志及自問沒有運氣的人就要三思了.

話說回頭,

以我的定義來說,

一個正常的營業員皆需要擁有以下的條件.

1. 清楚知道自己貨品/服務的資料和特性.

2. 有關貨品/服務使用的方法和使用的經驗.

3. 貨品/服務於同類型產品的分別和特點.

4. 客人(對象)的喜好和需要.

5. 客人(對象)對該產品/服務的喜與惡.

6. 如果提升客人(對象)對所喜的感覺.

7. 如果減弱(或消除)客人(對象)對所惡的地方.

8. 如何善用對客人(對象)所溝通的時間, 減少不必要的耗費.

當然如果要數算的還有很多, 但我覺得最基本的就要有以上的條件,

如果欠缺或做得不好的結果就是生意做不成.

要成功成為一個好的營業員, 我完全沒有資格說評.

但我覺得天生的天賦遠遠不及後天的努力.

(天生英俊和美麗的不在此列)

所指的表達技巧和個人反應,

另外就是該次(或數次)和客人(對象)時的心態和決心.

如心態上未開始或遇到困難時就灰心,

於心態上已經為自己打了敗仗,

就算你死要面子和客人(對象)耗費時間亦多半是枉然的.

(這方面我倒是有不少個人的例子做証明的,

即使自己用多了不同的方法, 但客人就像是感覺到你已經認輸了, 最後拉倒就是拉倒)

寫了那麼多, 好像還是未到正題,

因是有感而發, 加上自己說串了說是我亦有下面所講的大問題.

是怕說出來後被人罵吧~~~

話說近日和一個朋友傾 MSN,

於對話內問及佢找新工作的情況,

他回答說一點兒消息也沒有,

但他說已經把他所看到的文職介紹亦已發了一封電郵去試試.

已經完全沒有理會所寫職位的高低.

但至今仍完全沒有一點兒回應,

就是連面試的機會也沒有.

雖說現在外面的經濟不好,

同時剛有大量會考生剛剛畢業會找不同的工作,

再加上該朋友的學歷不太高.

(和我差不多... 我想是我比他還差一點點.)

但總不會過了近九個月,

一次見工的機會也沒有吧~~~

於 MSN 問及問題會否出自 Resume 本身,

會否寫得太複雜, 令對象怕煩沒有心情看.

或於 Resume 寫了太多不關事的事項... 云云.

就頭段也不覺得有什麼問題,

但於最後問他會否於薪酬要求寫得太高,

他回答說他於該欄特意漏空了,

說是給他面試是任由面試者填上去.

面試者說給多少就多少...

我不知道漏空是否真的是好,

但我覺得於這個時勢就是大錯.

原因如下:

現今經濟, 於公司現職的員工日常的工作已經因公司減人, 工作量增加.

沒有太多多餘的時間, 那有心閒去見太多見試者.

於 Resume 內漏空薪酬要求,

查閱者不知你的要求, 要估計你的薪酬要求就要由你的學歷和經驗估計,

如你的學歷和經驗高的, 他還有機會多看一下,

不高的, 又不知你要求多少薪酬要求,

一早已經放下了這一份 resume 了.

換轉如果學歷和經驗好的, 又會擔心面試的時候覺得人正合用,

但一相討薪酬的時候就會因開價過高而失敗.

又會白白浪費自己抽時間去和求職者的時間.

由不同的角度, 都不會想到查閱者會考慮該見試者會以高學歷, 高經驗,

但以任勞任怨, 低薪酬要求, 只要有工做就沒有所謂的心態去接見該見工者吧!

就算有... 會不會以自己寶貴的時間去試一次?

如果真的有, 又見得成的機會率... 真係不懂計算了.

我覺得作為一個面試者,

心態就和一個營業員差不多.

先要知道自己(產品/服務)到底是什麼,

有做過什麼工作的經驗, 處理什麼東西最好.

強的是什麼, 弱的是什麼.

需於 Resume (見意書)內如何給客人(未來僱主)提起對自己(產品/服務)的興趣.

要令客人最少有興趣和你面試(聯絡)一次.

客人的要求, 他需要請一個什麼的人.

要於他的公司做些什麼, 有什麼要留意.

他的喜好, 喜歡什麼, 不喜歡什麼.

以上的東東基本上要於見面的頭數分鐘內有初步的認知.

如何於短短的五分鐘至個多小時的見面時間內令對方可對你印象最深.

(最理想就是可令他即時聘請你)

如何可於該段時間可更突出你的強項和才能,

以及更重要的是要減少你的弱項於見面時的表露,

或可令你的弱項轉化為你的強弱或優點...

難吧~~~ 當然難.

做得到嗎? 我就做不到了~

不過我覺得這些都是應該要做的,

或應以這個為目標. (而少每次見工前都要做的.)

打到這裡突然想起早前在一個地鐵站看到的一個廣告,

說的是 PCCW 已可於部份地鐵站內使用 WIFI,

相中的女主角像是於金鐘上網看到有招聘廣告,

即時上網找相關資料,

於鰂魚涌就見成了新工.

在這裡當然要恭喜她吧~

但世界是不公平的,

我相信這麼有實力及幸運的人不多.

(至少一定不會是我吧)

所以... 還是早作準備,

由一個營業員 sale 東西給客人的心態開始吧!

P.S. 沒想過過了年多才開始有一點點腦空間找回的感覺.

我還會有機會多寫數篇嗎?

草稿堆積久無清, 算有 Capacitive 也無用.

0307_完o左一半...

悟樂 — 2009-07-03 23:59

有時返工真係幾受氣,

受老闆氣我覺得係份糧包o左的,

但受同事氣... Sorry, 我覺得係唔包的.

大家返工係為錢的姐, 唔係求氣.

但攪到大家面左左... 開口就o係度嘈嗜烘的.

睇我幾時炳返你轉到的時候,

冇引的係你自己的姐.

放工之後就入o左天水圍,

走o左去食 KFC,

食完之後後悔到不得了... (見附文)

之後就去o左女朋友屋企攪份 account...

完完全全唔知係乜來的...

唉~~~

佛山環保豬屎可供食用

悟樂 — 2009-07-03 23:29

依家尐人係咪已經去到冇O野食的地部呢???