Neth FM - Daily News

සබරගමුව නව ආණ්ඩුකාරවරයා දිවුරුම් දෙයි.

Sun, 05 Jul 2009 02:06:45 -0700

සබරගමුව පළාතේ නව ආණ්ඩුකාරවරයා ලෙස ජානක පි‍්‍රයන්ත බණ්ඩාර මහතා ජනාධිපතිවරයා ඉදිරියේ අද දිවුරුම් දුන්නා. ඔහු සබරගමුව පළාතේ 07 වන ආණ්ඩුකාරවරයායි. මොහාන් එල්ලාවල මහතා මීට පෙර එම ධුරයේ කටයුතු කළා. ධුරය හිස් වූයේ ඒ මහතාගේ අභාවයත් සම`ගයි.
හිස් වූ එම ධුරයේ අද දිවුරුම් දුන් ජානක පි‍්‍රයන්ත බණ්ඩාර මහතා ගල්කිස්ස ශාන්ත තෝමස් විද්‍යාලයේ ආදි ශිෂ්‍යයෙකු වනවා. කොළඹ විශ්ව විද්‍යාලයේ නීති පීඨයෙන් උපාධිය ලද ඒ මහතා ජ්‍යෙෂ්ඨ නීතිඥයෙකු ලෙස ද ප‍්‍රකටයි. ඔහු මහේස්ත‍්‍රාත්වරයෙකු මෙන්ම කලක් මහා භාරකාරවරයා ලෙස ද කටයුතු කර තිබෙනවා. ඉකුත් සමයේ එක්සත් අරාබි එමීර් රාජ්‍යයේ මෙරට තානාපතිවරයා ලෙස කටයුතු කළේ ද ජානක පි‍්‍රයන්ත බණ්ඩාර මහතායි. සබරගමුව පළාත් සභාවේ ආණ්ඩුකාරවරයා ලෙස අද දිවුරුම් දුන් අවස්ථාවේ ජනාධිපති මහින්ද රාජපක්ෂ මහතා ඔහුට උපදෙස් කිහිපයක් ලබාදී තිබෙනවා. ජනතාව අතරට ගොස් ඵලදායි සේවාවක් ඉටු කිරීමට කැපවන්නැයි එම උපදෙස් මාලාවේ සඳහන්.

ඇමති නිමල්ගෙන් වතු ජනතාවට කලගුණ ගැන පාඩමක්.

Sun, 05 Jul 2009 02:04:38 -0700

රටේ ජනතාව ත‍්‍රස්තවාදයෙන් මුදාගත් රජය වතු ජනතාවගේ අවශ්‍යතා ද නොපිරිහෙලා ඉටු කරන බව අමාත්‍ය නිමල් සිරිපාල ද සිල්වා මහතා පවසනවා. අමාත්‍යවරයා මේ බව කියා සිටියේ රජයට පවරා ගත් හපුතලේ දබේතැන්න රෝහල ජනතා අයිතියට පත් කිරීම වෙනුවෙන් පෙරවරුවේ පැවති උත්සවයකදීයි. ජනතාවට කාර්යක්ෂම සෞඛ්‍ය සේවාවක් සැපයීම වෙනුවෙන් වතු සමාගම් යටතේ පාලනය වූ රෝහල් 50ක් රජයට පවරා ගෙන තිබෙනවා. දඹේතැන්න රෝහල ද ඉන් එකක්. සංවර්ධන කටයුතු වලින් පසු එම රෝහල අද ජනතා අයිතියට පත් කෙරුනා.
එහිදී අදහස් දැක්වූ අමාත්‍ය නිමල් සිරිපාල ද සිල්වා මහතා වැඩිදුරටත් කියා සිටියේ එක්සත් ජාතික පක්ෂය රට පාලනය කළ සමයේ වතු ජනතාව අමතක කර තිබූ බවයි. එම පාලනය යටතේ වතු ජනතාවගේ කිසිදු ගැටලුවකට විසඳුම් නොලැබුණ බව අමාත්‍යවරයා කියා සිටියා. නමුත් වත්මන් රජය ඔවුන්ගේ අවශ්‍යතා තේරුම් ගෙන ඒවා ඉටු කිරීමට පියවර ගත් බවයි අමාත්‍යවරයා පැවසුවේ. එළඹෙණ ඌව පළාත් සභා මැතිවරණයේදී එක්සත් ජනතා නිදහස් සන්ධානයට ඡුන්දය ලබාදී ජනතාව ඊට කෘතගුණ සැලකිය යුතු බව ඔහු අවධාරණය කළා.

අතීතය පසෙකලා අනාගතයට සැරසෙමු. මන්ති‍්‍ර වීරවංශ කියයි.

Sun, 05 Jul 2009 02:03:51 -0700

දශක 03ක් පුරා කි‍්‍රයාත්මක වූ ත‍්‍රස්තවාදය පරාජය කිරිීමෙන් පසු රටට උචිත දේශපාලන විසඳුමක් පිළිබඳ කතා බහ වඩාත් පු`ථල් වී තිබෙනවා. ජාතික නිදහස් පෙරමුණ ඒ පිළිබඳ සිය ස්ථාවරය කොළඹ පැවති මාධ්‍ය හමුවකදී අද හෙළි කළා. එම පෙරමුණේ නායක පාර්ලිමේන්තු මන්ති‍්‍ර විමල් වීරවංශ මහතා මෙහිදී කියා සිටියේ පැරණි සංකල්ප හෝ යෝජනා පසෙක දමා කාලයට උචිත නව සංකල්ප සොයා ගත යුතු බවයි. එසේ නොමැතිව පැරණි සංකල්ප මත සංවාද කිරිමෙන් සිදුවන්නේ ජාතියක් ලෙස යලි නැ`ගී සිටීමට ලැබුණු මනරම් අවස්ථාව ගිලිහී යාම බව ඔහු පෙන්වාදුන්නා. මේ නිසා අමාත්‍ය මහාචාර්ය තිස්ස විතාරණ මහතාගේ සභාපතිත්වයෙන් යුත් සර්ව පාක්ෂික කමිටුව මෙන්ම 13 වන ව්‍යවස්ථා සංශෝධනය ද දැන් පසෙකට දැමිය යුතු බවයි විමල් වීරවංශ මහතා කියා සිටියේ.
ජනාධිපතිවරයාගේ අදහසකට අනුව ස්ථාපනය කෙරුනු සංවර්ධනය හා ප‍්‍රතිසන්ධානය පිළිබඳ සර්ව පාක්ෂික කමිටුව විමල් වීරවංශ මහතා මෙහිදී අගැයීමට ලක් කළා. කෙසේ වෙතත් මීට පෙර කි‍්‍රයාත්මක වූ සර්ව පාක්ෂික කමිටුව මෙන් මෙම නව කමිටුව සාකච්ඡුාවලට පමණක් සීමා නොවිය යුතු බවයි ඔහු කියා සිටියේ. ගැටුම් හේතුවෙන් අවතැන් වූවන් යලි පදිංචි කිරීමට පෙර උතුරේ මැතිවරණ පැවැත්වීම පිළිබඳ එල්ල වන විවේචන සම්බන්ධයෙන් ද විමල් වීරවංශ මහතා මෙහිදී අදහස් පල කළා. ඔහු කියා සිටියේ මෙම විවේචන පිළිගත නොහැකි බවයි.

යාල් දේවි ගිනි ගැනීම ගැන පරීක්ෂණ ඇරඹේ.

Sun, 05 Jul 2009 02:03:14 -0700

කොළඹ සිට තාන්ඩිකුලම දක්වා ධාවනය කෙරෙමින් තිබු යාල් දේවි දුම්රිය අද පෙරවරුවේ ගිනි ගැනීමකට ලක් වුණා. අලුයම 5.45ට පමණ කොළඹින් ගමන් ආරම්භ කළ මෙම දුම්රිය මෙලෙස ගිනි ගැනිමට ලක් වුණේ මිහින්තලේ හන්දිය සහ සාලියපුර අතර ප‍්‍රදේශයකදීයි. දුම්රියේ භෝජනාගාර මැදිරිය තුළ පළමුවෙන් ගින්න හටගෙන තිබෙනවා. පසුව යාබදව පිහිටි පළමු පන්තියේ වෙන් කළ ආසන සහිත මැදිරියකට ද ගින්න ව්‍යප්ත වුණා. මේ හේතුවෙන් භෝජනාගාර මැදිරියට මෙන්ම එම පළමු පන්තියේ මැදිරියට ද අලාභ සිදුව ඇති බවයි දුම්රිය දෙපාර්තමේන්තුව පවසන්නේ. මේ පිළිබඳ පරීක්ෂණ අරඹා ඇතැයි දුම්රිය වානිජ අධිකාරි විජය සමරසිංහ මහතා කියා සිටියා.
පෙරවරුවේ සිදුවූ මෙම අනතුර හේතුවෙන් කොළඹ සිට අනුරාධපුරය දක්වා සෙසු ධාවන කටයුතු අඩාළ නොවූ බව දුම්රිය දෙපාර්තමේන්තුව පවසනවා. දුම්රිය වානිජ අධිකාරිවරයා පැවසුවේ දෛනික සේවා මෙන්ම ඇසල පොහොය නිමිත්තෙන් යොදවා ඇති විශේෂ සේවා ද යථා පරිදි කි‍්‍රයාත්මක බවයි.

මුදාගත් ළමා සොල්දාදුවන් ගැන ජගත් මහ ලේකම්වරයාගෙන් ලක් රජයට උපදෙසක්.

Thu, 02 Jul 2009 20:15:47 -0700

එල් ටී ටී ඊය විසින් යුද කටයුතු සඳහා යොදා ගන්නා ලද ළමුන් පුනරුත්ථාපන වැඩපිළිවෙළ කඩිනම් හා ශක්තිමත් කරන්නැයි එක්සත් ජාතීන්ගේ සංවිධානය ලක් රජයෙන් ඉල්ලා සිටිනවා. එක්සත් ජාතීන්ගේ මහ ලේකම් බන් කී මූන් මහතා කියා සිටියේ මෙම ළමුන්ගේ ආරක්ෂාව හා සෙසු අවශ්‍යතා කෙරෙහි දැඩි අවධානයක් යොමු කළ යුතු බවයි. එක්සත් ජාතීන්ගේ ආරක්ෂක මණ්ඩලය වෙත විශේෂ වාර්තාවක් ඉදිරිපත් කරමින් ඔහු මේ බව ප‍්‍රකාශ කර තිබෙනවා.
දශක 3ක් පමණ තිස්සේ එල් ටී ටී ඊය සන්නද්ධ කි‍්‍රයාවල නිරත වූයේ මෙරට ජන ජීවිතය උඩුයටිකුරු කරමින්. ඒ සඳහා එල් ටී ටී ඊය විසින් යොදා ගන්නා ලද්දේ හැදී වැඩුනු තරුණ තරුණියන් පමණක්ම නොවෙයි. වයස්ගත වූවන් මෙන්ම බාලවයස්කරුවන්ද එල් ටී ටී ඊයේ ගොදුරු බවට පත් වුණා. පාසලේ ඉගෙනුම ලබමින් සිටියදී එල් ටී ටී ඊය විසින් පැහැර ගන්නා ලද ළමුන් සංඛ්‍යාව අපමණයි. ඇතැම් ළමුන් කී‍්‍රඩා පිටියේදී හෝ වගා බිමේදී එල් ටී ටී ඊයට කොටු වුණා.
මානුෂීය මෙහෙයුමේදී එල් ටී ටී ඊය පරාජය වීමත් සමග මෙවැනි ළමුන් බොහෝ දෙනෙකුටද නිදහස උරුම වී තිබෙනවා. එක්සත් ජාතීන්ගේ මහ ලේකම්වරයා පවසන්නේ ඔවුන්ගේ අනන්‍යතාව තහවුරු කිරීම කඩිනමින් සිදුකළ යුතු බවයි. පුනරුත්ථාපන වැඩපිළිවෙළකින් පසු ඔවුන් සමාජ ගත කිරීමටද පියවර ගත යුතු බව එක්සත් ජාතීන්ගේ මහ ලේකම්වරයා ප‍්‍රකාශ කරනවා.
ඔහු වැඩිදුරටත් සඳහන් කරන්නේ ළමුන්ට එරෙහි ප‍්‍රචණ්ඩත්වය මුලුමනින් තුරන් කළ යුතු බවයි. ළමුන්ට එරෙහි පහරදීම් හෝ පැහැර ගැනීම් පිළිබඳ වාර්තා වන සියලු සිද්ධීන් පිළිබඳ පරීක්ෂණ පැවැත්විය යුතු බව ද ඔහු අවධාරණය කරනවා.
**********

ජාතිය ගොඩනැගීමේ ක‍්‍රමවේදය ජනපති හෙළි කරයි.

Thu, 02 Jul 2009 20:16:07 -0700

ජයග‍්‍රහණය සඳහා ශක්තිමත් නායකත්වයක අවශ්‍යතාව ජනාධිපති මහින්ද රාජපක්ෂ මහතා අවධාරණය කරනවා. ජනාධිපතිවරයා පවසන්නේ නිවැරදි නායකත්වයකින් තොරව ජයග‍්‍රහණ අත්කර ගත නොහැකි බවයි. කොළඹ ආනන්ද විද්‍යාලයේ අද පෙරවරුවේ පැවති රණවිරු උත්තමාචාර වැඩසටහනකට එක් වෙමින් ඔහු මේ බව කියා සිටියා.
නිවැරදි අරමුණු සහිත ශක්තිමත් නායකත්වය නිසා ත‍්‍රස්තවාදය පරදා ජයග‍්‍රහණය අත්කර ගැනීමට හැකිවූ බව ජනාධිපතිවරයා මෙහිදී පෙන්වා දුන්නා. දැන් උදාවී ඇත්තේ රට ගොඩනැගීමේ කාලය බවයි ඔහු වැඩිදුරටත් සඳහන් කළේ.
ජනාධිපති මහින්ද රාජපක්ෂ මහතාට කොළඹ ආනන්ද විද්‍යාලයේ උත්තමාචාරය මෙහිදී පිරිනැමුනා. ත‍්‍රස්තවාදයෙන් රට මුදා ගැනීමේ සටනට නායකත්වය දුන් ආදි ආනන්දයීය රණවිරුවන්ද එහිදී උපහාරයට ලක් වුණා.
**********

13 වන සංශෝධනය ගැන අභ්‍යන්තර ගැටුම් නැහැ - රජය කියයි.

Thu, 02 Jul 2009 16:29:00 -0700

13 වන සංශෝධනය සම්බන්ධයෙන් ආණ්ඩුවේ පාර්ශ්ව අතර කිසිදු ගැටුමක් නැතැයි අමාත්‍ය අනුර පි‍්‍රයදර්ශන යාපා මහතා පවසනවා. අමාත්‍යවරයා සඳහන් කරන්නේ 13 වන සංශෝධනය සම්බන්ධයෙන් අදහස් හුවමාරු කරගැනීමක් පමණක් ආණ්ඩුව තුළ සිදුවන බවයි. කැබිනට් තීරණ දැනුම්දීම සඳහා ඊයේ පැවති මාධ්‍ය හමුවේදී නැගුණු ප‍්‍රශ්නයකට පිළිතුරු දෙමින් අමාත්‍යවරයා මෙම අදහස් පළ කර සිටියා.
කෙසේ වෙතත් සන්ධාන ආණ්ඩුවේ පාර්ශ්වකරුවෙකු වන ජාතික හෙළ උරුමය පවසන්නේ 13 වන සංශෝධනය හා එමගින් ස්ථාපිත කෙරුණු පළාත් සභා බලහත්කාරයක් බවයි. සංශෝධනයෙහි සඳහන් සියලු බලතල පළාත් සභාවලට ලබා දුනහොත් රජයෙන් ඉවත් වන බවද ඉකුත්දා පැවති මාධ්‍ය හමුවකදී ජාතික හෙළ උරුමය ප‍්‍රකාශ කළා. අමාත්‍ය පාඨලී චම්පික රණවක මහතා මේ බව කියා සිටියා.
ආණ්ඩුවේ තවත් පාර්ශ්වකරුවෙකු වන ජාතික නිදහස් පෙරමුණද 13 වන සංශෝධනයට විරෝධය පළ කර තිබෙනවා. එය පදනම් කරගත් විසඳුමක් ගෙන එන්නේ යැයි එම පෙරමුණේ නායක විමල් වීරවංශ මහතා සර්ව පාක්ෂික කමිටුවටද චෝදනා කළා.
මෙවැනි කරුණු හේතුවෙන් 13 වන සංශෝධනය හෝ වෙනත් දේශපාලන විසඳුමක් පිළිබඳ ආණ්ඩුවේ පාර්ශ්ව අතර පරස්පරතා පවතින බවට එක්සත් ජාතික පක්ෂය මෙන්ම ජනතා විමුක්ති පෙරමුණද චෝදනා කරමින් සිටිනවා.
**********

ෂෙල් ගෑස් මිල පහලට - ලාෆ්ස් මිල ඉහළට.

Tue, 30 Jun 2009 04:37:38 -0700

ගෑස් මිල සංශෝධනය මධ්‍යම රාති‍්‍රයේ සිට කි‍්‍රයාත්මකයි. ෂෙල් ගෘහස්ථ ගෑස් සිිලින්ඩරයක මිල එමගින් රුපියල් 53කින් පහත හෙළා තිබෙනවා. ඒ අනුව ෂෙල් ගෑස් සිලින්ඩරයක නව මිල වන්නේ රුපියල් එක්දහස් හාරසිය හතලිස් හතක්. පසුගිය වසරේ දෙසැම්බර් මාසය වන විට ෂෙල් ගෑස් සිලින්ඩරයක මිල සටහන් වුණේ රුපියල් එක්දහස් හයසිය දහනවයක් ලෙසින්. ඉන් අනතුරුව ජනවාරි මාසයේදී ගෑස් සිලින්ඩරයක මිල රුපියල් එක්දහස් තුන්සිය නවය දක්වා පහත හෙලුනා. මාර්තු මාසයේදී යළි එය රුපියල් එක්දහස් පන්සීය දක්වා ඉහළ ගියා.
මේ අතර ලාෆ්ස් ගෑස් සිලින්ඩරයක නව මිල වන්නේ රුපියල් එක්දහස් හාරසිය හතක්. පැවති මිලට වඩා රුපියල් 100කින් එය ඉහළ දැමුනා. අමාත්‍ය බන්දුල ගුණවර්ධන මහතා සඳහන් කළේ මෙම මිල සංශෝධනයන් මිල සූත‍්‍රය පදනම් කර ගනිමින් සිදු කළ බවයි.
**********

අපරාධ පිළිබඳ නීතිය නිහඩ බවට විපක්ෂයෙන් චෝදනා.

Tue, 30 Jun 2009 03:55:24 -0700

රටේ සිදුවන අපරාධ සම්බන්ධයෙන් නීතිය නිහ`ඩ බවට එක්සත් ජාතික පක්ෂය චෝදනා කරනවා. එහි පාර්ලිමේන්තු මන්තී‍්‍ර තලතා අතුකෝරල මහත්මිය සඳහන් කළේ පොලීසිය මේ සම්බන්ධයෙන් වන වගකීම පැහැර හැර ඇති බවයි. කොළඹ අද පැවති ප‍්‍රවෘත්ති සාකච්ඡුාවකට සහභාගි වෙමින් ඇය මෙම අදහස් පළ කළා.
මන්තී‍්‍රවරිය මෙහිදී වැඩිදුරටත් පැවසුවේ අධ්‍යාපන, සෞඛ්‍ය හා ආර්ථික ක්ෂේත‍්‍රයන්හි බරපතල කඩා වැටීමක් පවතින බවයි. එසේම අත්‍යවශ්‍ය භාණ්ඩවල මිල ඉහළ යාමෙන් ජනතාව පීඩාවට පත්ව ඇතැයිද ඇය එහිදී පෙන්වා දුන්නා.
**********

සංවර්ධනයට සහ ප‍්‍රතිසන්ධානයට ජනපතිගෙන් සර්ව පාක්ෂික කමිටුවක්.

Tue, 30 Jun 2009 03:54:27 -0700

සංවර්ධන සහ ප‍්‍රතිසන්ධාන කටයුතු වෙනුවෙන් සර්ව පාක්ෂික කමිටුවක් පත් කිරීමට ජනාධිපති මහින්ද රාජපක්ෂ මහතා තීරණය කර තිබෙනවා. ජනාධිපති මාධ්‍ය අංශය නිවේදනයක් නිකුත් කරමින් සඳහන් කළේ සංවර්ධන කටයුතු සහ කාලීන දේශපාලන ගැටලු මෙම කමිටුව හමුවේ පුලුල් වශයෙන් සාකච්ඡුා කෙරෙන බවයි. එසේම ජනාධිපතිවරයාගේ ප‍්‍රධානත්වයෙන් මසකට වරක් මෙම කමිටුව රැුස්වනු ඇති බවද එම නිවේදනයේ දැක්වුණා.
මේ අතර ශී‍්‍ර ලංකා ජාතිය යළි පාවාදීමට කිසිවෙකුටත් ඉඩ නොදෙන බව ජනාධිපති මහින්ද රාජපක්ෂ මහතා පවසනවා. ජනාධිපතිවරයා කියා සිටියේ මහින්ද චින්තනයෙන් ජනතාවට ලබාදුන් සියලු පොරොන්දු ඉටු කිරීමට තමා පියවර ගන්නා බවයි. ශී‍්‍ර ලංකා නිදහස් පක්ෂයේ ආසන සංවිධායක ධුර පිරිනැමීමේ උත්සවයක් අරලියගහ මන්දිරයේදී පැවැත්වුණා. ඊට එක් වෙමින් ජනාධිපතිවරයා මෙම අදහස් පළ කර සිටියා.
***********

එජාපය යුද ජයෙහි උරුමය සොයයි.

Sun, 28 Jun 2009 20:18:41 -0700

තිස් වසරක ත‍්‍රස්තවාදය රටින් අතුගා දැමීමට මූල බීජය රෝපණය කළේ එක්සත් ජාතික පක්ෂය බව එහි පාර්ලිමේන්තු මන්තී‍්‍ර වජිර අබේවර්ධන මහතා පවසනවා. ඒ මහතා කියා සිටියේ 2002 වසරේ අත්සන් තැබුනු සටන් විරාම ගිවිසුම එම මූල බීජය බවයි. එහෙත් එය වැරදි ලෙස අර්ථ කථනය කරමින් එක්සත් ජාතික පක්ෂය අපහසුතාවට පත් කිරීමට රජය කටයුතු කළ බව කොළඹ අද පැවති මාධ්‍ය හමුවකදී ඔහු කියා සිටියා.
සටන් විරාම ගිවිසුම පාවාදීමේ ලේඛනයක් නොව විජයග‍්‍රහණයේ ඇරඹුමක් බව වජිර අබේවර්ධන මහතා මෙහිදී යලි යළිත් අවධාරණය කළා.

**********

සංචාරකයන්ට ශී‍්‍ර ලංකාව සුරක්ෂිතයි - අවධාරණය කෙරේ.

Sun, 28 Jun 2009 20:17:27 -0700

ශී‍්‍ර ලංකාව සංචාරකයින් සඳහා ආකර්ශනීය සහ ආරක්ෂිත කලාපයක් බව විදේශ කටයුතු අමාත්‍යංශය යළි තහවුරු කරනවා. එම අමාත්‍යංශය පැවසුවේ මේ පිළිබඳ තානාපතිවරුන් මගින් විදෙස් රටවල් දැනුවත් කිරීමට පියවර ගන්නා බවයි. තානාපතිවරුන් ඔවුන් සේවය කරන රටෙහි විදේශ කටයුතු අමාත්‍යංශය සමග ශී‍්‍ර ලංකාවේ වත්මන් තත්ත්වය පිලිබඳ සාකච්ඡුා කරනු ඇතැයි ද එම අමාත්‍යංශය කියා සිටියා.
ත‍්‍රස්ත කි‍්‍රයා හේතුවෙන් ඉකුත් වකවානුවේදී ශී‍්‍ර ලංකාව සංචාරකයින් සඳහා අනාරක්ෂිත ප‍්‍රදේශයක් ලෙස ඇතැම් රටවල් ප‍්‍රකාශයට පත් කළා. එහෙත් මේ වන විට එම තත්ත්වය වෙනස් වී ඇති බවයි රාජ්‍ය ආරක්ෂක අමාත්‍යංශය පවසන්නේ. ත‍්‍රස්තවාදය පරාජය කිරීමෙන් පසු රට තුළ ආරක්ෂාව තහවුරු කර ඇතැයි එම අමාත්‍යංශයේ නිල වෙබ් අඩවිය කියා සිටියා.
කෙසේ වෙතත් ශී‍්‍ර ලංකාවේ සංචාරය කිරීම හෝ වාසය කිරීම තවමත් ආරක්ෂිත නැතැයි අමෙරිකානු රාජ්‍ය දෙපාර්තමේන්තුව එරට පුරවැසියන්ට අනතුරු අ`ගවා තිබෙනවා. දින කිහිපයකට ඉහතදී නිකුත් කෙරුණු මෙම අනතුරු ඇ`ගවීමෙහි සඳහන් වන්නේ ත‍්‍රස්ත කි‍්‍රයා සිදුවීමේ අවදානමක් ශී‍්‍ර ලංකාව තුළ තවමත් පවතින බවයි. දරුණු ගැටුම් අවසන් වුවද අස්ථාවරත්වය අවසන් වී නැතැයි එහි වැඩිදුරටත් සඳහන් වනවා.

**********

ජපන් නියෝජිත යසුෂි අකාෂි යළි දිවයිනට.

Sun, 28 Jun 2009 20:16:42 -0700

ශී‍්‍ර ලංකාව පිළිබඳ ජපාන විශේෂ නියෝජිත යසුෂි අකාෂි මහතා අද අලුයම දිවයිනට පැමිණියා. නෙත් ගුවන් තොටුපළ වාර්තාකරු පැවසුවේ තායි ගුවන් සේවයට අයත් ටී බී 307 දරණ යානයෙන් අකාෂි මහතා අද අලුයම දිවයිනට පැමිණි බවයි. ඔහු සමග තායිලන්ත විදේශ කටයුතු අමාත්‍යංයේ නිලධාරින් දෙදෙනෙකුද දිවයිනට පැමිණ තිබෙනවා.
යසුෂි අකාෂි මහතා දිවයිනට පැමිණි 19 වන අවස්ථාව මෙයයි. එහෙත් ඒ පිළිබඳ කිසිවක් ප‍්‍රකාශ කළ නොහැකි බව විදේශ කටයුතු අමාත්‍යංශය කියා සිටියා. එහි ප‍්‍රකාශකයෙකු පැවසුවේ මෙම සංචාරය සිය අනුදැනුමකින් තොරව සිදු කෙරෙන්නක් බවයි. කෙසේ වෙතත් ආයෝජන ප‍්‍රවර්ධන කටයුත්තක් සඳහා මෙම සංචාරය සිදු කෙරෙන බව විදෙස් වාර්තාවක සඳහන් වුණා.

**********

එල් ටී ටී ඊ සාමාජිකයින් හමුදාවට බැඳීමේ සූදානමක්.

Sun, 28 Jun 2009 16:23:34 -0700

හිටපු එල් ටී ටී ඊ සාමාජිකයින් රැුසක් ආරක්ෂක හමුදාවන්ට එක්වීමට කැමැත්ත පළ කර තිබෙනවා. ඔවුන් මෙම කැමැත්ත ප‍්‍රකාශ කර ඇත්තේ අමාත්‍ය විනයාගමූර්ති මුරලිදරන් හෙවත් කරුණා අම්මාන් හා නැගෙනහිර පළාත් ප‍්‍රධාන අමාත්‍ය සිවනේසතුරේ චන්ද්‍රකාන්තන් හෙවත් පිල්ලෙයාන් යන මහත්වරුන් මාර්ගයෙනුයි. තමන් සමග සිටින මෙම සාමාජිකයින් පසු කාලයේ එල් ටී ටී ඊයෙන් වෙන්වී රජයට සහය දීමට ඉදිරිපත් වූ බවද ඔවුන් පෙන්වා දෙනවා. එසේම මෙම අමාත්‍යවරුන් සඳහන් කර ඇත්තේ ආරක්ෂක හමුදාවලට එක්වීමට කැමැත්ත පළ කර ඇති හිටපු එල් ටී ටී ඊ සාමාජිකයින් කිසි විටෙකත් සටන්වලට එක් නොවූ අය බවයි. ඔවුන් දේශපාලන කටයුතු සඳහා එක්වූවන් බවද පෙන්වා දී තිබෙනවා. මේ සම්බන්ධයෙන් රජයෙන් මෙතෙක් පිළිතුරක් ලබා දී නැති බවයි වාර්තා වන්නේ.
**********

සියලු පක්ෂ පොදු මතයකට එළඹීමේ අවශ්‍යතාවය කොමියුනිස්ට් පක්ෂය අවධාරණය කරයි.

Sun, 28 Jun 2009 16:17:13 -0700

ජාතික ගැටලුවට සාර්ථක විසඳුමක් ලබාදීමට නම් මෙරට ප‍්‍රධාන දේශපාලන පක්ෂ දෙක පොදු මතයකට එළඹිය යුතු බව ශී‍්‍ර ලංකා කොමියුනිස්ට් පක්ෂය පවසනවා. එහි ලේකම් අමාත්‍ය ඩි්‍යු ගුණසේකර මහතා පැවසුවේ ජාතික ගැටලුවට නිවැරැුදි විසඳුමක් ලබානොදිම හේතුවෙන් ඉතිහාසය පුරා අනිටු විපාක විදීමට සිදු වූ බවයි. අකුරැුස්ස ගොඩපිටිය ප‍්‍රදේශයේදී ඊයේ පැවති උත්සවයකට එක් වෙමින් ඔහු මේ බව කියා සිටියා.
**********

ත‍්‍රස්තවාදය ආර්ථිකයට ඍජුව බලපෑ බව කෙහෙළිය රඹුක්වැල්ල අමාත්‍යවරයා පවසයි.

Sun, 28 Jun 2009 16:21:39 -0700

ත‍්‍රස්තවාදය හේතුවෙන් දශක කිහිපයක් මෙරට ආර්ථිකය එක තැන පල් වූ බව අමාත්‍ය කෙහෙලිය රඹුක්වැල්ල මහතා පවසනවා. අමාත්‍යවරයා කියා සිටියේ මෙරට සිටි සෑම නායකයෙකුම ත‍්‍රස්තවාදය පැරදවීමට ශක්ති ප‍්‍රමාණයෙන් කටයුතු කළ බවයි. එහෙත් එය ජය ගැනීමට හැකිවූයේ ජනාධිපති මහින්ද රාජපක්ෂ මහතාගේ නායකත්වයට බව අමාත්‍යවරයා කියා සිටියා. ඔහු මේ අදහස් පල කළේ මානුෂීය මෙහෙයුම වාර්තා කළ මාධ්‍යවේදීන්ට සම්මාන පිරිනැමීම සඳහා කොළඹ බණ්ඩාරනායක අනුස්මරණ ජාත්‍යන්තර සම්මන්ත‍්‍රණ ශාලාවේදී ඊයේ පැවති උත්සවයකට එක් වෙමින්.
කෙසේ වෙතත් ත‍්‍රස්තවාදය තුරන් කර ඇති මෙම අවස්ථාවේ ආර්ථිකය යලි න`ගා සිටුවීමට හැකියාව ලැබෙනු ඇතැයි අමාත්‍ය කෙහෙලිය රඹුක්වැල්ල මහතා විශ්වාසය පල කළා.
මේ අතර ඊයේ පැවති සම්මාන උළෙලේදී නෙත් එෆ් එම් රේඩියෝවේ චිරාන් ජිවන්ත ධර්මසේනට ද සම්මානයක් පිරිනැමුනා. සත්‍ය තොරතුරු සමබර ලෙස වාර්තාකරණයට දිරි දීම වෙනුවෙන් නෙත් එෆ් එම් රේඩියෝවේ සභාපති නිහාල් සෙනෙවිරත්න ඈපා, ප‍්‍රධාන විධායක නිලධාරි අසංක ජයසූරිය සහ ප‍්‍රවෘත්ති කළමනාකරු මහින්ද රුබසිංහ යන මහත්වරුන්ට ද මෙහිදී සම්මාන පිරිනැමුනා. සම්මාන උළෙල සංවිධාන කර තිබුණේ තුන්හෙළ ජාතික ව්‍යාපාරයයි.
**********

පොලිස් නිලධාරින් තිදෙනෙකු රක්ෂිත බන්ධනාගාරයට.

Sat, 27 Jun 2009 01:47:09 -0700

සිගිරිය වනජිවි කලාපයේ දැව ජාවාරම්වලට සහ වල් අලින්ට වෙඩි තැබීමේ සිද්ධීන් සම්බන්ධයෙන් අත්අඩංගුවට ගත් සැකකරුවන් සිව් දෙනා ලබන සදුදා දක්වා රක්ෂිත බන්ධනාගාරගත කෙරුනා. ඒ දඹුල්ල මහේස්ත‍්‍රාත් නිමල් රණවීර මහතාගේ නියෝගයක් මතයි. එදිනට හඳුනාගැනීමේ පෙරට්ටුවක් පවත්වන ලෙස මහේස්ත‍්‍රාත්වරයා අද පස්වරුවේ නියෝග කළා. දැව ජාවාරම්වලට සම්බන්ධ බවට සැක කෙරෙන පොලිස් නිලධාරින් තිදෙනෙකු සහ රියදුරෙකු පොලිසිය විසින් අත්අඩංගුවට ගත්තේ ඊයේ පස්වරුවේයි. සැකකරුවන් දැව ප‍්‍රවාහනය කරන අතරතුරදී වල් අලියෙකුට ද වෙඩි තබා තිබෙනවා. මෙම දැව ජාවාරම සහ වල් අලින්ට වෙඩි තැබීම පිළිබඳව පසුගියදා නෙත් ප‍්‍රධාන ප‍්‍රවෘත්ති ප‍්‍රකාශයකදි නෙත් සැරය විශේෂාංගයෙන් අනාවරණ කළා.

පෙඩරල් විසඳුම් පරාජය කරන බව හෙළ උරුමය පවසයි.

Sat, 27 Jun 2009 01:46:30 -0700

ඇතැම් මැති ඇමතිවරුන් දෙමළ බෙදුම්වාදයට සහාය ලබා දෙන බවට බස්නාහිර පළාතේ පරිසර අමාත්‍ය උදය ගම්මන්පිල මහතා චෝදනා කරනවා. ඔහු මේ බව කියා සිටියේ මහරගම අද පෙරවරුවේ පැවති විශේෂ රැුස්වීමකට සහභාගි වෙමින්.
ෆෙඩරල් විසඳුම් පරාජය කිරීමට ජාතික හෙළ උරුමය සූදානම් බවයි පළාත් අමාත්‍ය උදය ගම්මන්පිල මහතා අවධාරණය කර සිටියේ.

මැතිවරණ සඳහා බිය නොමැති බවට ජනපතිගෙන් ප‍්‍රකාශයක්.

Sat, 27 Jun 2009 01:45:50 -0700

මැතිවරණ සඳහා තමන් බිය නැති බව ජනාධිපති මහින්ද රාජපක්ෂ මහතා පවසනවා. හඳුගල තේ කර්මාන්ත ශාලාව යළි විවෘත කිරීමෙන් පසු අද පස්වරුවේ පැවති ජන හමුවක් අමතමින් ඔහු මේ බව කියා සිටියා.
මැරයන් සහ මත්ද්‍රව්‍ය ජාවාරම්කරුවන්ගෙන් තොර රටක් නිර්මාණය කිරීම මීළ`ග සංග‍්‍රාමය බවයි ජනාධිපතිවරයා අවධාරණය කර සිටියේ.

ඩෙංගු මදුරුවන් ව්‍යප්තිය වෙනස් කරයි.

Sat, 27 Jun 2009 01:45:07 -0700

ඩෙංගු වෛරසය මෙන්ම මදුරුවා ද සිය බෝවීමේ සහ ව්‍යප්ත වීමේ රටාව වෙනස් කර ඇති බව සෞඛ්‍ය අමාත්‍යංශය පවසනවා. වසංගත රෝග විශේෂඥ වෛද්‍යවරුන් තමන් වෙත මේ පිළිබඳව දැනුම් දුන් බවයි සෞඛ්‍ය අමාත්‍ය නිමල් සිරිපාල ද සිල්වා මහතා කියා සිටියේ. මේ වනවිටත් ඩෙංගු රෝග මර්දනය සඳහා දිස්ති‍්‍රක්ක 10ක විශේෂ වැඩසටහන් කි‍්‍රයාත්මකයි. සෞඛ්‍ය අමාත්‍යංශය ප‍්‍රකාශ කරන්නේ හෙට දිනයේ මදුරුවන් බෝවන ස්ථාන සොයා ශ‍්‍රමදාන දිවයින පුරා කි‍්‍රයාත්මක කරන බවයි. ඩෙංගු මදුරුවන් නව ඉදිකිරීම් සිදුකරන ස්ථානවල ද තම වර්ගයා බෝ කරන බව පර්යේෂණවලින් හෙළි වී තිබෙනවා. බොහෝ විට අලුතින් ඉදි කරන තට්ටු නිවාසවල මෙම තත්ත්වය දක්නට ලැබෙන බවයි සෞඛ්‍ය අමාත්‍යවරයා ප‍්‍රකාශ කරන්නේ. එම නිසා මදුරුවන් බෝවන ස්ථාන විනාශ කර මදුරු ඝනත්වය අවම කිරිමට සහාය දක්වන ලෙස සෞඛ්‍ය අමාත්‍යංශය ජනතාවගෙන් ඉල්ලා සිටිනවා. ඩෙංගු රෝගයෙන් අද පස්වරුව වන විට මියගොස් සිටි සංඛ්‍යාව 153ක්. රෝගීන් 12744ක් වාර්තා වී ඇති බව සෞඛ්‍ය අමාත්‍යංශය පවසනවා.